25 కేజీలు గంజాయితో ఇద్దరు వ్యక్తులు అరెస్టు
11 లక్షల 6వేలు నగదు, మూడు సెల్ ఫోన్లు కారు సీజ్
RTVNEWS . (లవకుశ)ఏజెన్సీ నుండి కర్ణాటక రాష్ట్రానికి అక్రమంగా కారులో తరలిస్తున్న 25 కేజీల గంజాయి తో ఇద్దరు వ్యక్తులను అరెస్టు చేసినట్లు నర్సీపట్నం రూరల్ సిఐ ఎల్. రేవతమ్మ తెలిపారు. వీటికి సంబంధించి సీఐ తెలిపిన వివరాలు ఇలా ఉన్నాయి. విశాఖ ఏజెన్సీ నుండి గురువారం కర్ణాటక రాష్ట్రానికి చెందిన పరశురాం అలియాస్ ప్రశాంత్, రవీంద్ర కారులో కృష్ణ దేవి పేట వస్తున్నారు. ఈ నేపథ్యంలో స్థానిక అల్లూరి పార్క్ వద్ద కృష్ణ దేవి పేట వై తారకేశ్వరరావు సిబ్బంది వాహనాలు తనిఖీలు చేస్తున్నారు. అనుమానంతో కారును తనిఖీచేపట్టుగా కార్ డిక్కీలో రెండు ప్లాస్టిక్ సంచుల్లో 25 కిలోల గంజాయి ఉన్నట్లు, అలాగే ఇంజిన్ బోనెట్ క్రిందన 11 లక్షల 6వేల నగదు ఉన్నట్లు గుర్తించి స్వాధీనం పరుచుకున్నామని తెలిపారు. దీంతో ఇరువురిపై కేసు నమోదు చేసి రిమాండ్కు తరలించమని తెలిపారు. పట్టుబడిన నిందితులు గత నాలుగు రోజుల క్రితం కర్ణాటక నుండి విశాఖ ఏజెన్సీకి 12.5 లక్షలు తీసుకొచ్చి గంజాయి కొనుగోలు చేసేందుకు వచ్చారని పోలీసుల తనిఖీలు అధికమవడంతో లక్ష 25 వేల రూపాయలతో 25 కిలోల గంజాయిని కొనుగోలు చేసి మిగిలిన నగదును ఖర్చులు వాడుకున్నారని తెలిపారు. అందులో మిగిలిన నగదను గంజాయిని పట్టుకోవడం జరిగిందని సిఐ తెలిపారు. ఈ కార్యక్రమంలో కృష్ణ దేవి పటం పోలీస్ సిబ్బంది చిరంజీవి, మూర్తి, రామారావు, గురుమూర్తి తదితరులు పాల్గొన్నారు
